उर्लाबारी । मोरङको उर्लाबारीमा रोट्याक्ट क्लब अफको आयोजनामा शुक्रबार रक्तदान कार्यक्रम गरिएको छ ।
उर्लाबारी चौकमा भएको रक्तदान कार्यक्रममा ६० पिन्ट रगत संकलन भएको क्लबका अध्यक्ष अंकुश अग्रवालले जानकारी दिनुभयो । रोटरी क्लब अफ उर्लाबारीको सह–आयोजना र नेपाल रेडक्रस सोसाइटी उर्लाबारी उपशाखाको प्राविधिक सहयोगमा रक्तदान कार्यक्रम भएको थियो । रेडक्रस उर्लाबारीका सभापति भानुभक्त शर्मा पराजुलीको प्रमुख आतिथ्यतामा भएको उक्त कार्यक्रम सञ्चालन घनश्याम भण्डारीले गर्नुभएको थियो । रोट्याक्ट क्लब अफ उर्लाबारीले यसअघि पनि सामाजिक कार्य अन्तर्गत विविध कार्यक्रम गर्दै आएको छ । जाडोमा न्यानो कपडा वितरण, सरसफाई कार्यक्रम, प्रहरीसँग राखी, आमासँग तीज कार्यक्रम, शेयर कारोबार सम्बन्धी विभिन्न तालिम, अन्तर्राष्ट्रिय क्लबसँग सहकार्य गर्दै वृक्षारोपण तथा अन्य सामाजिक कार्यक्रम गर्दै आएको छ ।